Біз Сүриядағы жағдайды тексеріп, сараптап жатырмыз – деп мәлімдеді Ақ үй баспасөз қызметі.

Сүрия мәселесіне байланысты журналистер алдында жауап берген Ақ үй баспасөз хатшысы Сара Хакаби Сандерс: «Президент Трамп өзінің ұлттық қауіпсіздікке байланысты кеңесшілерімен Сүрия мәселесін талқылады. Біз Сүриядағы жағдайды сараптауымызды жалғастырамыз. Бүгін кешке президент Трамп Франция басшысы Макрон мен Ұлыбритания премьері Тереза Мэймен сөйлеседі» - деген.

Естеріңізге салайық, бұған дейін АҚШ перезиденті Дональд Трамп ресми Дамаскке химиялық қару қолданғаны үшін әскери күш көрсететіндігін мәлімдеген. Кейінен ол сәуір айының 11-і күні өзінің «Twitter» парақшасына «Сүрия аумағындағы Ресей әскеріне зымыран шабуылына дайындалған дұрыс» - деп жазған.

“The Qazaq Times”