АҚШ-тың Ресейге салған санкциялары Қазақстанға әсер етпейді – деп мәлімдеді – Америка құрама штаттарының Қазақстандағы елшісі Жордж Крол.

Нұрсұлтан Назарбаевтың Уашингтонға жасаған іс-сапарына байланысты АҚШ-тың Қазақстандағы елшілігінде өткен дөңгелек үстелде Жордж Крол Ресейге салынған санкцияларға барйланысты мәлімдеме жасаған. Онда ол: «Ресейге салынған санкциялардың Қазақстанға қатысы жоқ. Қазақстан тарапынан алаңдаушылық бар және біз осы мәселе бойынша қазақстандық әріптестерімізбен кеңесуге келістік. АҚШ санкцияларының Қазақстанға және осындағы АҚШ бизнесіне кері әсері болмайды» - деген.

Естеріңізге салайық, жақында АҚШ Қаржы министрлігі санкцияға ілінуі мүмкін ресейлік саясаткерлер мен олигархтардың тізімін жариялаған болатын. Оған Ресей премьер-министрі Дмитрий Медведевтен бастап, Роман Абрамовия, Әлішер Усманов сияқты олигархтардың аты енген.

“The Qazaq Times”