Фото: novosti.az

Түркия армиясы Сүрияның Африн аумағындағы әскери операциясы кезінде жүздеген террористің көзін жойды – деп хабарлайды Oxu. Az ақпарат көзі.

Түркия қарулы күштерінің баспасөз қызметі таратқан мәліметі бойынша, қаңтар айының 20-сы күні басталған "Зәйтүн сабағы" әскери операциясы барысында 597 содырдың көзі жойылған. Ал қаңтар айының 28-інен 29-на қараған түні жүргізілген әуе шабуылы кезінде «Ислам мемлекеті» лаңкестік ұйымына тиесілі 44 әскери база талқандалған. Салдарынан 40 террорист оққа ұшып, 4 сүриялық сарбаз жарақат алған.

Естеріңізге салайық, ресми Анкара қаңтар айының 20-сы күні Сүрияның Африн аумағына әскерін кіргізген болатын. Түркия билігінің бұндай қадамдарға баруына АҚШ-тың «Сүрия аумағында шекара қауіпсіздігін қамтамасыз ететін арнайы жасақ құрамыз» деген мәлімдемесі себеп болған.

“The Qazaq Times”