Фото: gettyimages.com

Оңтүстік Корея билігі Солтүстік Корея басшысы Ким Жоң Унды өлтіруге қаржы бөлді – деп хабарлайды Korea Herald газеті.

Басылым меліметінше, Оңтүстік Корея үкіметі тапсырыспен адам өлтіретін арнайы топ құруға ел бюджетінен қаржы бөлген.  Аталмыш топтың басты мақсаты Солтүстік Корея басшысы Ким Жоң Унның көзін жою. Korea Herald газетінің Оңтүстік Корея Қорғаныс министрлігіндегі дереккөзінің сөзінше, ресми Сеул 2018 жылы Ким Жоң Унды өлтіруге 340 миллион вон (310 000 доллар) қаржы бөлуді жоспарлап отыр. Бұл қаржының барлығы арнайы топқа қару-жарақ сатып алуға жұмсалмақ.

Естеріңізге салайық, бұған дейін Солтүстік Корея АҚШ пен Оңтсүтік Кореяның бірлесіп әскери оқу-жаттығу жұмыстарын өткізуін қатаң сынға алып, «Ақ үй КХДР-ға шабуыл жасауға дайындалуда» деп мәлімдеген.

“The Qazaq Times”