Қытай орталық қаласында өткен баспасөз мәжілісі кезінде сол елдің Қорғаныс министрлігі мәлімдеме жасап, елдің солтүстік шығыс Ляониң провинциясының Солтүстік Кореямен шекаралас ауданында әскери оқу-жаттығу өткізетінін мәлімдеді. Бұл туралы «Шинлаң» ақпараттық сайты жазды.

ҚХР Қорғаныс министрлігінің мәлімдемешісі сөзінде: «Кезекті оқу жаттығу ешбір елге бағытталмаған», – деді. Оның айтуынша бұл әскери жаттығулардың жылдық жоспарын орындау үшін жасалған кезекті жаттығудың бірі.

Журналистердің «Солтүстік Кореяның соңғы зымыран сынағына байланысты әскери қысым жасау әрекеті емес пе?» деген сұраққа Қытай Қорғаныс министрлігінің өкілі: «Әскери күш Корей түбегі мәселесін шешудегі бірден бір талғам емес» деп жауап берген.

“The Qazaq Times”