Солтүстік Кореяның басшылары. Фото: BBC.

Солтүстік Корея 15 шабуыл нысанын жоспарға алып отыр, олардың арасында астаналар мен үкімет ғимараттары да бар деп мәлімдеді ЕО-ның Сыртқы байланыстар комиссиясы жариялаған жаңа есепте. Бұл туралы «Түрік Теле-Радио» қызметінің ресми сайты хабарлады.

Солтүстік Кореяның ең жоғары басшысы Ким Жоң Унның «зымыран шабуылын жасаймын» деп  қорқытуының астарында, оның нысанаға алып отырған жоспарлары да әшкереленгенін айтады аталған есепте. Ұлыбританияның «Daily Mail» басылымы да КХДР басшысының кейбір нысандарды анықтап, зымыран шабуылын жасауды жоспарлап отырғанын жазған.

Бұл хабардағы мәліметтерге сенсек, Солтүстік Кореяның зымыран шабуыл нысанасында Пентагон, Ақ үй, Манхэттен, Гуам, Сеул, Бусан, Окинава, Токио, Киото қатарлы үкімет ғимараттары мен қалалар бар.

Дегенмен, бұл мәліметтердің дұрыстығы толық дәлелденбесе керек. Жақында ғана Корей түбегіндегі жаңа дипломатиялық өзгерістер болып, тараптардың келіссөз жүргізуінен аз болса да үміт шырағы жанған болатын. Дегенмен, Солтүстік Кореяның келесі қадамын анық болжап айту қиын.

“The Qazaq Times”