Трамп және Мадуро. Фото: The Santiago Times.

Венесуэла президенті Николас Мадуро Америка Құрама Штатының президенті Дональд Трампқа рахмет айтты. Мадуро сөзінде: «Трамп мені әлемге танымал етті», – деді. Бұл туралы «Шинлаң» ақпараттық сайты жазды.

Венесуэладағы жағдайға байланысты Трамп осыған дейін Мадуроның әрекеттеріне көбірек сын-пікір білдірген еді. Николас Мадуро өз кезегінде: «Трамп мені сынап-мінеп әлемге танымал етті. Бұл үшін оған рахмет айтам. Ол мені әрдайым сынаған сайын ел мені жақсы көре бастайды. Демек, мен бәрін дұрыс жасап отырмын», – деді.

Мадуро Трампты «Венесуэланың оппозиция басшысы» деп атады. Дегенмен ол «империя басшысының» өзін әр рет сөзіне кірістіргенін «мақтаныш» деп қабылдайтынын білдірді.

Венесуэла басшысы осыдан бұрын Латын Америкасындағы және АҚШ қатарлы елдердің бірқатар қысымдарына тап болып, Түркия, Ресей, Қытай қатарлы Азия елдерімен ынтымақтастықты бекемдеу қадамдарын жасаған болатын.

“The Qazaq Times”