Фото: ВВС.

Өзбекстан президенті Шавкат Мирзиеев Сочи қаласына миллиардер Әлішер Усмановтың ұшағымен барды – деп хабарлайды ВВС ақпарат агенттігі.

Шавкат Мирзиеев Сочиге ТМД елдері басшыларының кезекті отырысына Ташкент қаласының әуежайынан миллиардер Усмановқа тиесілі нөмірі М-IABU ұшағымен ұшқан. Ал Сочидегі ТМД елдері басшыларының кездесуін тікелей эфирде көрсеткен Өзбекстан телеарналары Мирзиеев ұшағының Сочи қаласының әуежайына қонғанын айтып, кадрда тек «Өзбекстан әуе жолдары» компаниясы ұшағының суретін ғана көрсеткен.

ВВС ақпарат агенттігінің мәліметінше, бұл Шавкат Мирзиеевтың ресми кездесулерге Усманов ұшағымен алғаш рет баруы емес. Бұған дейін ол 18 қыркүйек күні Мирзиеев Нью-Йорк қаласында өткен БҰҰ-ның Бас Ассамблеясына Әлішер Усмановтың жеке ұшағымен барған.

“The Qazaq Times”