Фото: "Эксперт" журналы.

АҚШ Ирак Күрдістанының тәуелсіздігін мойындамайды - деп хабарлайды Oxu.az ақпарат көзі.

АҚШ Мемлекеттік департаментінің басшысы Рекс Тиллерсон Ирак Күрдістанындағы тәуелсіздік алуға байланысты өткен референдумға пікір білдірді. Ол журналистер алдында сөйлеген сөзінде: «АҚШ қыркүйектің 25-і күні Ирак Күрдістанында өткен референдум нәтижесін мойындамайды. АҚШ дамыған, тұтас Ирак мемлекетін қолдайды. Күрдістан билігінің аймақта ешкімнің келісімінсіз референдум өткізуі ешқандай қисынға келмейді» - деген.

Естеріңізге салайық, Ирак Күрдістаны билігі қыркүйектің 25-і күні тәуелсіздік алуға байланысты референдум өткізген болатын. Референдум қорытындысы бойынша, аймақ халқының 92,7 пайызы дербес ел болуды қолдап дауыс берген.

“The Qazaq Times”