Фото: utro.ru

Германияда өтіп жатқан дамыған елдердің самитінде (G20) АҚШ президенті Доналд Трамп пен Қытай басшысы Ши Жинпиң 8 шілде күні кездесті. Ақүй жариялаған хабарда «Қытай Халық Республикасының (People`s Republic of China) төрағасы Ши Жинпиң» деген сөйлем (Қытай Республикасы , яғни Жұңхуа Минго) “The Republic of China” болып қате жазылған.

Осыған қарата, Қытайдың Сыртқы Істер Министрлігінің мәлімдемешісі Гиң Шуаң 10 шілде күні баспасөз жиналысында: «Бұл туралы Қытай АҚШ-қа ескертті. АҚШ жақ Қытайдан кешірім сұрап, аталып отырған қателік техникалық ағаттықтан болғанын мойындады. Әрі қайталай түзетіп жариялады», -деді.

Әділет Ахметұлы

 “The Qazaq Times”