Тайвань қарулы күштері. Фото: YouTube.

Бір күн бұрын АҚШ үкіметі жариялаған хабарда, Конгрестің мақұлдауымен АҚШ Тайваньға құны 1 млрд 420 млн АҚШ доллары тұратын қару-жарақ сатып беретінін айтты. Бұл Трамп Құрама Штат президенті болғалы бері Тайваньға қару-жарақ сатуды алғаш рет жүзеге асыруы болып саналады. Бұл туралы “The Wall Street Journal” басылымы хабарлаған болатын.

АҚШ жоғары лауазымдыларының бірінің айтуынша Тайваньға сатып беретін қару-жарақтардың ішінде радар, ракеталар мен торпедо қатарлы қорғаныстағы маңызды құрал-жабдықтардан тартып, кемелді қорғаныс жүйесінің сандық технологиясы да бар.

Конгресс қарарында айтылуынша, Конституция бойынша АҚШ-тың Тайваньға қару-жарақ сатуға толық құқығы бар. Соңғы рет Тайваньға қару сату 2015 жылы Обама үкіметі жағынан жүзеге асырылған. Алайда, әр жолы АҚШ Тайваньға қару-жарақ сатып берген сайын, Қытай тарапы күшті наразылық танытып келеді. Ресми Бейжің Тайваньды «Үлкен Қытайдың» бір бөлегі деп мәлімдеуден жазбайды. Ал, АҚШ-тағы Қытай бас елшілігі бұл туралы журналистердің сұрағына жауап беруден бас тартты.

АҚШ Мемлекеттік департаментінің өкілі кешегі берген мәліметінде: «Бейсенбі күні Конгресс шығарған шешім АҚШ-Қытай келісімге келген «Үлкен Қытай» саясатына қайшы келмейді. Оның үстіне АҚШ ұзақ жылдардан бері «Бір Қытай» саясатына қайшылық жасап көрген жоқ», – деді. Ол тағы: «Трамп үкіметінің Тайваньға қару-жарақ сатуы оның дербестігін қолдағандық емес, қайта өзін өзі қорғау қаблетін күшейтуіне берген көмегі», – деді.

АҚШ Конгресінің Тайваньға қару-жарақ сату ісіне қабылдаған шешімнің күшіне ие болуына 30 күн уақыт бар. Егер, екі партияны қамтыған сегіз сенатор үкіметке ратификациялау туралы хат жолдаса, шешімнің күшінен қалуы да мүмкін.

“The Qazaq Times”