Халықаралық «ЭКСПО – 2017» көрмесіне орай Алматы мәдениет күндері аясында «Алатау» дәстүрлі өнер театры да Астанаға гастрольдік сапармен барып, көрмеге қатысып қайтты.

16-17 маусым күндері Астана Жастар театрында және Этноауылда театрдың концерттік бағдарламасын қойып,«Інжу-маржан», «Мәңгілік мұрат» дәстүрлі музыка кештерін өткізді. Кешке Сәуле Жанпейісова,  Еркін Шүкіманов, Жәкен Омаров, Аманқос Садықов, Алма Аманжолова сынды халық әншілері қатысты.

Жанды дауыста, ұлттық музыкалық аспаптардың сүйемелдеуімен өткен концерттік іс-шараны Астана қаласының қонақтары жылы қабылдады.

“The Qazaq Times”