Оңтүстік Корея президенті Мун Чжэ Ин болашақта Пхеньянға іс сапармен баруы мүмкін екенін айтты деп хабарлайды РИА Новости ақпарат көзі.

Мун Чжэ Ин инаугурация кезінде Оңтүстік Корея халқының алдында сөйлеген сөзінде «Егер қажет болса мен Вашингтонға, мүмкіндік болса Пхеньянға ресми іс сапармен баруға дайынмын. Мен Корея түбегіндегі бейбіт өмір үшін барымды саламын.» деді.

Оңтүстік Кореяның бұрынғы президенті Пак Кын Хенің жемқорлыққа қатысы бар деген күдікпен отставкаға кетуінен кейін, елде болған президент сайлануында Мун Чжэ Ин 41,08 пайыз дауыс жинап жеңіске жеткен болатын.

“The Qazaq Times”