Қазақстан коронавирусқа қарсы AstraZeneca вакцинасын өндірушілермен келіссөзді тоқтатты.

«СК-Фармация» компаниясы басқармасының төрағасы Ерхат Есқалиев қазір Pfizer вакцинасын өндірушілермен келіссөз жалғасып жатқанын мәлімдеді. AstraZeneca екпесіне қатысты негатив көп болғандықтан, Қазақстан келіссөзді тоқтатқан.

Наурыздың соңында AstraZeneca компаниясы қайта тексерістен соң препараттың тиімділігін 85%-дан 79%-ға түсірген.

15 наурызда Нидерланд билігі AstraZeneca екпесінің жанама әсері туралы хабарланғаннан кейін, осы препаратпен халықты вакцинациялау процесін тоқтатып тастаған еді. Ал оған дейін Ирландия, Исландия, Дания және Норвегия осындай шешім қабылдаған болатын.

"The Qazaq Times"