Фото: interfax.az

Ұлыбританияда туристер үшін қатаң карантиндік ережелер күшіне енді. Бүгіннен бастап шетелден келген азаматтар екі рет ПТР тест тапсырады. Ал «қызыл» тізімдегі 33 елден келгендер бір жарым апта карантинге жатқызылады.

Осы уақытқа дейін елге кірер алдында барлық туристер үкіметтің веб-сайтындағы құжаттарды толтырып, 72 сағаттан кешіктірмей коронавирусқа тест тапсырған. Бұдан былай азаматтар оқшаулануға дейін және кейін екі мәрте тест тапсырады. Әуежайда ПТР-тесті болмаған азаматтарға 1 мың фунт стерлинг айыппұл салынады. Ал оқшаулану бітер кезде қайта тексеруден өтпегендер 2 мың фунт стерлинг төлеп, тағы 2 апатаға карантинге жабылады.

5 қаңтарда коронавирустың мутацияға ұшыраған түрінің тез таралуына байланысты Ұлыбританияда жалпыұлттық локдаун енгізілген. Желтоқсанның аяғында Ұлыбританияда шыққан коронавирустың өзгерген жаңа түрі көптеген елде тіркелді. Мәліметтер бойынша, вирустың жаңа штамы адамдар арасында 70%-ға тез тарайды. Бірақ қауіптілігі жағынан бұрынғы түрінен ерекшеленбейді.

Бұл хабардан кейін бірнеше мемлекет Ұлыбританиямен әуе байланысын уақытша тоқтатты. Олардың қатарында Канада, Еуропаның бірөатар елдері және Латын Америкасы бар. Сонымен қатар Франция барыс-келістің барлық түріне, ал Бельгия Ұлыбританиямен теміржол қатынасына тыйым салды.

"The Qazaq Times"