Гренландия – коронавирусты ешбір өлім-жітімсіз жеңген алғашқы мемлекет. Бұл туралы High North News мәлімдеді.

4 сәуірден бастап Гренландияда коронавирус жұқтырған бірде-бір жағдай тіркелмеген. Ал бұған дейін COVID-19 жұқтырған 11 адам індеттен толық айығып шыққан. Осы уақытқа дейін елде 900 адам тестілеуден өткен, себебі 16 наурызда вирус жұқтырған алғашқы адам анықталды.

Ел премьер-министрі Ким Кильсен жаңа жағдайлар тіркелмесе, жуық арада ел астанасы Нуукты ашу туралы шешім қабылдамақ.

Гренландия — соңғы үш ғасырда Данияға тиеселі, өзінің үкіметі мен парламенті бар автономия. Жергілікті тұрғындар тәуелсіздік далап етуде, соңғы жылдары олар тек өзін өзі басқару құқығына ғана ие болды.

Айта кетейік, әлем бойынша қауіпті дертке шалдыққандар саны 2 миллионнан асып кетті. Қайтыс болғандар саны — 134 669 адам.

"The Qazaq Times"