Фото: https://newsweek.com

АҚШ пен «Талибан» қозғалысы Катарда бейбіт келісімге қол қойды.

Құжат ержелеріне сәйкес, Америка 135 күн ішінде ауған жеріндегі 5 әскери базасынан өз жауынгерлерін әкетуі тиіс. Сонымен қатар, келісімде көрсетілгендей, тараптар тұтқындармен алмаспақ. 10 наурызға дейін АҚШ пен Ауғанстан 5 мың тұтқынды босатса, тәліптер мың адамды түрмеден шығару тиіс. мамандардың айтуынша, бұл құжат Ауғанстандағы ұзақ жылдар бойы жалғасып келген соғыстың аяқталуына алғашқы қадам.

Бұған дейін АҚШ президенті Трамп: «Егер атысты тоқтату бір аптаға жетпейтін уақытта жүзеге асса, әрине, мен өз атымды келісім парағына жазамын. Үйге қайтатын кез келді. Менің ойымша, олар (тәліптер) келісімге келгісі келеді, олар күресуден шаршады», – деген. Ал АҚШ қорғаныс министрі Марк Эспер Америка әскері Ауғанстаннан толық шегінеді дегенді жоққа шығарған, тек әскер саны қысқаруы мүмкін деп мәлімдеген болатын.

"The Qazaq Times"