47 жылдан кейін Біріккен Корольдік Еуропалық одақ құрамынан шықты.

Дәл 31 қаңтарда 23.00-де (1 ақпанда Нұр-Сұлтан уақыты бойынша 05.00), үш жарым жылдан соң, британиялықтардың 51,89%-і Brexit үшін дауыс берді.

Дегенмен, Ұлыбритания мен ЕО арасындағы келіссөздер сәтсіз болған жағдайда, елде Brexit-тің тиімсіз болжамдары орындалуы мүмкін: ДСҰ тарифтерін енгізу, бағалардың күрт өсуі, шекарадағы жүк көліктерінің кезегі, дәрі-дәрмектер мен Еуропалық өнімдердің тапшылығы.

Енді Британия биыл өзінің жаңа иммиграциялық саясатын пысықтап, ЕО-ға мүшелік етпейтін елдермен сауда келіссөздерін бастайлы. Үкімет бұған дейін үш жыл ішінде сауда айналымының 80%-і еркін сауда туралы келісіммен аяқталады деп есептейтінін хабарлаған.

Ұлыбритания ЕО-дан былтыр 29 наурызда, яғни қауымдастықтан шығу туралы жазбаша хабарлама берілгеннен кейін екі жыл өткен соң кетуі керек еді. Алайда британ Парламенті Қауымдар палатасының депутаттары Брюссель мен бұрынғы премьер-министр Тереза Мэй үкіметі арасында қол жеткізілген Brexit шарттары туралы келісімнің жобасын үш рет кері қайтарған. Нәтижесінде Тереза Мэй отставкаға кетіп, орнына Борис Джонсон келді. Еуропалық одақ Brexit-ті алдымен сәуір немесе мамырға, содан кейін 31 қазанға бекітуге келісті. Бұл қадам да сәтсіз аяқталып, мемлекеттің одақтан шығатын мерзімі 31 қаңтарға шегерілді.

"The Qazaq Times"