Фото: https://cdn.tvc.ru

АҚШ Қорғаныс министрлігі Ақ үй басшысы Дональд Трамптың жоспарға сәйкес Ауғанстаннан әскерлерді толық шығаратынын айтты. Бұл туралы Пентагондағы дереккөздерге сілтеме жасаған NBC телекомпаниясы хабарлады.

Қорғаныс министрлігінде Ауғанстаннан әскерлерді көшіру жоспары әзірленуде. Телекомпания атап өткендей, Қорғаныс ведомствосында американдық әскери қызметшілерді шығару туралы бұйрық Сүриямен болған жағдай сияқты күтпеген жерден өтуі мүмкін. Сонымен қатар, Трамптың Сүрияға қатысты іс-әрекеттері Ауғанстанда жүзеге асатын «басты жоспар» деп санауға болады.

Бұған дейін The New York Times газеті АҚШ-тың Ауғанстаннан 2 мың әскерді алып шыққанын хабарлады. Басылым мәліметтері бойынша, Ауғанстандағы АҚШ пен НАТО әскерлерінің қолбасшысы генерал-лейтенант Остин Скотт Миллер осы елдегі әскерлердің саны шамамен 12 мың адамға дейін қысқарғанын растады.

The New York Times атап өткендей, Уашингтон әзірше АҚШ әскерін Ауғанстаннан шығаруды қарастыратын «Талибан» радикалды қозғалысының өкілдерімен келісімге келе алмауына қарамастан жүзеге аспақ.

Жексенбіде АҚШ Қорғаныс министрі Марк Эспер Ауғанстан президенті Ашраф Ганимен кездесу барысында терроризммен күрес және екі жақты қарым-қатынас мәселелерін талқылаған. Пентагон басшысының айтуынша, Құрама Штаттардың Ауғанстандағы әскерлері санының қысқаруы осы елдегі террористік топтармен күресуге ықпал етеді.

Естеріңізге салайық, 19 желтоқсанда Трамп Сүрия аумағынан АҚШ әскерін шығаруға байланысты жарлыққа қол қойған. Ол өзінің бұл қадамын «Ислам мемлекеті» террорлық ұйымының жеңіліс табуымен байланыстырып, АҚШ әскерінің бұдан әрі Сүрия аумағында қалуына ешқандай негіз жоқ екендігін айтқан.

"The Qazaq Times"