Фото: https://i.ytimg.com

Президент шешімімен Арыстанбек Мұхамедиұлы Қазақстан Республикасы Ұлттық музейінің директоры қызметіне тағайындалды.

Ал осыған дейін директор қызметін атқарған Алмаз Нұразхан қызметінен босатылды. 17 маусымда Қазақстан президенті Қасым-Жомарт Тоқаев А.Мұхамедиұлының орнына Ақтоты Райымқұлованы мәдениет және спорт министрі қызметіне тағайындаған. Бұл күні мәжілістің мәдени-әлеуметтік даму комитеті 55 жастағы Райымқұлованы осы қызметке тағайындау туралы келісім берген.

Айта кетейік, А.Мұхамедиұлы мәдениет және спорт министрі лауазымын атқарып жүргенде, «алаңғасар министр» атанып үлгерген. Мәселен, бір жиында ол бұрынғы президент Назарбаевтың алдына шығып кетсе, үкімет отырыстарының бірінде оны «Нұрсұлтанович» деп, күлкіге қалған.

"The Qazaq Times"