Фото: Дастан Башир атты желі қолданушының парақшасынан.

Түркістан облысы Арыс қаласында жойқын жарылыс болды. Жергілікті ақпарат көздерінің хабарлауынша жарылыс әскери оқ-дәрі қоймасында болған. 

Жарылыс Арыс қаласының тұрғындарын қатты алаңдатқан, кейбір тұрғандар қаладан шығып кетуге әрекет етуде. Әлеуметтік желіде Арыс қаласының тұрғындары бірнеше рет жарылыс дауысын естігендерін жазуда. Желіде жарылыстан кейін Арыс аспанын түтін торлаған суреттері көптеп жүктеліп жатыр.

Мәліметтерге қарағанда, Арыс қаласындағы әскери қоймадағы жарылыс  туралы хабарлама төтенше жағдайлар қызметіне таңертең сағат 09:30 шамасында келіп түскен. Төтенше жағдайлар қызметі оқиға орнына құтқару жұмыстарына кірісіп кеткен. Қазірге зардап шеккендер туралы нақты мәлімет жоқ.

“The Qazaq Times”