![](https://qazaqtimes.com/kk/content/uploads/2019/06/10093952-800x480.jpg?token=2f29eb859b4e6dea4d8f81be48376cfa)
Президент Қасым-Жомарт Тоқаев Қазақстанның Сингапур, Германия және Иорданиядағы елшілерін қызметінен босатып, дипломаттардың орнына жаңа елшілер тағайындады.
Ақ орданың ресми сайтында жарияланған жарлықта: «Аркен Арыстанов Қазақстан Республикасының Сингапур Республикасындағы төтенше және өкілетті елшісі қызметіне; Дәурен Кәріпов Қазақстан Республикасының Германия Федеративтік Республикасындағы төтенше және өкілетті елшісі қызметіне; Айдарбек Тұматов Қазақстан Республикасының Иордан Хашимиттік Корольдігіндегі төтенше және өкілетті елшісі қызметіне тағайындалды», – делінген.
Мәлім болғандай, арнайы жарлықпен Үсен Әбдіқадырұлы Қазақстан Республикасының Сингапур Республикасындағы төтенше және өкілетті елшісі қызметінен, Жаңа Зеландиядағы төтенше және өкілетті елші қызметін қоса атқарудан;
Болат Нүсіпов Қазақстан Республикасының Германия Федеративтік Республикасындағы төтенше және өкілетті елшісі қызметінен;
Азамат Бердібай Қазақстан Республикасының Иордан Хашимиттік Корольдігіндегі төтенше және өкілетті елшісі қызметінен, Ирак Республикасындағы, Ливан Республикасындағы, Палестина Мемлекетіндегі төтенше және өкілетті елші қызметінен босатылды.