Түркия Сүрия оппозициясын қаруландыруда.

«Reuters» ақпарат агенттігінің мәліметінше, Түркия Башар Асад режиміне қарсы соғысып жатқан Сүрия оппозициясына арналған қару-жарақ тасымалын арттырған. Ресми Анкара бұндай шешімді Мәскеумен Идлиб аймағына байланысты келісімге келе алмағаннан кейін қабылдаған. Түркия Ресейден Идлибке шабуыл жасауды тоқтатуды сұраған. Себебі соғыс аумағынан Түркияға қоныс аударушы босқындар саны соңғы айлары күрт өскен.

2018 жылдың қыркүйек айында Түркия мен Ресей Идлибте бейбіт аймақ құруға байланысты келісімге келген.

Анкара қазірдің өзінде Сүрия аумағына танкіге қарсы зымыран жүйелерін, брондалған әскери көліктер мен Град реактивті зымыран жүйелерін жеткізген. Сүрия оппозициясы Түркия қаруының арқасында Асад армиясы жақында ғана өз бақылауына алған Кафр-Набуда қаласын басып алуы мүмкін.

"The Qazaq Times"