Ресей президенті Владимир Путин.

Ресей басшысы Владимир Путин АҚШ президенті Дональд Трамппен кездесуге дайын.

«Менің түсінуімше, Дональд Трамппен кездесуіміз Жапонияда өтетін «Үлкен жиырмалық» саммиті аясында болады. Егер АҚШ тарапы екіжақтық байланысты осындай форматта жалғастыруға мүдделі болса, біз кез келген жерде кездесуге дайынбыз» - деп мәлімдеді Путин мамыр айының 15-і күні Австрия президентімен өткен келіссөздерден кейінгі баспасөз мәслихатында.

Бұдан бөлек Путин келіссөздер жүргізуге Ресей емес АҚШ-тың әлі де болса дайын емес екендігін айтты.

«Біз қашан да ашықпыз. Мәселе бізде емес, біздің америкалық әріптестерімізде. АҚШ-тың ішкі саяси жағдайы өзгерген уақытта біз қолымыздағы барлық мүмкіндіктерді жұмсаймыз» - деді Ресей президенті.

Естеріңізге салайық, бұған дейін Влдадимир Путин АҚШ мемлекеттік хатшысы Майкл Помпеомен кездескен. Кездесуден кейін Ресей президентінің көмекшісі «кездесу ешқандай жаңалық алып келген жоқ» деп мәлімдеген.

"The Qazaq Times"