Қырғызстанда уран зардабы айықпаған аймақтар да бар. Фото: BBC/

Ыстық көлдің Балықшы қаласына 35-40 шақырым қашықтыққа орналасқан Қызыл-Омпол уран кенін ашуға ел тұрғындары жағынан қарсылық барған сайын күшеюде. Ел тұрғындары әлеуметтік желілерде және кен аймағында наразылық шараларын өткізді. Олар уран кенінің зардабы ауыр, зияны көп болады деп қарайды. Дегенмен, бұған ұқсамаған пікірлер де бар. 

Қызыл-Омпол уран кенін барлауға 2010 жылы үкімет тарабынан рұқсат берілген. Барлау қызметі 2020 жылы аяқталуға тиіс болған.  Халықтың күште наразылығынан кейін үкімет тарабы арнайы комиссия құруға шешім шығарды. Құрылған арнайы комиссия аталған мәселені аз күннің ішінде шешуге міндетті. Комиссия өз жұмысын қорытындылағанға дейін кен барлау қызметі де уақытша тоқтатылуы мүмкін.

Дегенмен, уран кенін ашу турасында талас-тартыс бірыңғай қарсылық пікірлерде ғана емес. Қырғыздың әлеуметтік желілерінде кенді ашып пайдалануды қолдаушы пікірлер де көп. Таласты тақырып қазір сол елдегі барлық ақпарат құралдарының басты тақырыбына айналған.

“The Qazaq Times”