21-23 сәуір аралығында Қазақстанға Корея Республикасының президенті Мун Чже Ин алғашқы мемлекеттік сапарымен келеді. Бұл туралы ресми Ақорда сайты хабарлады.

Қазақстан президенті Қасым-Жомарт Тоқаев Оңтүстік Корея басшысымен келіссөздер жүргізу барысында саяси, сауда-экономикалық, инвестициялық және мәдени-гуманитарлық салалар бойынша екіжақты қарым-қатынастардың қазіргі ахуалы мен перспективаларын, сондай-ақ, бірқатар аймақтық және халықаралық өзекті мәселелерді талқыламақ.

Сонымен қатар, 24 сәуірде Ақордада мемлекет басшысы Қасым-Жомарт Тоқаев Қазақстанға ресми сапармен келетін Мажарстанның премьер-министрі Виктор Орбанмен келіссөздер өткізеді. Екі жақты кездесудің бағдарламасы бойынша қазақ-мажар ынтымақтастығына және аймақтық, халықаралық мәселелер аясында әңгіме өрбітпек.

"The Qazaq Times"