Еуропа Ресей газына тәуелді болмауы тиіс – деп мәлімдеді АҚШ мемлекеттік хатшысы Майк Помпео.

Помпео «CERAWeek» энергетикалық конференциясында мұнай және газ саласына қатысты баяндама жасады. Ол онда мұнай мен газ өндіретін компанияларды Дональд Трамп әкімшілігімен бірлесіп жұмыс істеуге шақырды.

«Біз әлемдік нарықта бәсекеге қабылетті болуымыз қажет. Әріптестерімізге инвестиция құю арқылы біздің өнімдерімізді сатып алуға итермелеуіміз керек. Біз еуропалық әріптестеріміздің «Солтүстік толқын-2» сияқты жобалардың салдарынан Ресей газына тәуелді болып қалғанын қаламаймыз» - деді Помпео.

Бұдан бөлек Помпео Ресейдің Украинаға басып кіруін өзге мемлекеттің мұнай-газ саласына қол сұғу деп бағалады.

"The Qazaq Times"