Қытайдың Хайнан провинциясында соғыс ұшағы құлап, екі ұшқыш қаза тапты. Бұл туралы сол елдің «Шинлаң» ақпараттық порталы хабарлаған болатын.

Қытайлық БАҚ-тың хабарына қарағанда, апатқа ұшыраған соғыс ұшағы Қытайдың әскери теңіз күштеріне тиесілі. Әуе шырғалаңы оқу-жаттығу кезінде болған.

Апаттың себептері туралы әлі де анық мәлімет жоқ. Хайнан провинциясы Оңтүстік Қытай теңізіндегі таласты аймақтарға жақын аралды өлке. Онда Қытайдың маңызды теңіз және әуе күштері базасы орналасқан.

“The Qazaq Times”