Golden Cobra жаттығуындағы АҚШ жауынгерлері. Фото: VOA.

Бүгін АҚШ-Тайланд арасындағы ауқымды бірлескен әскери оқу-жаттығулар басталды. «Golden Cobra» деп аталатын жаттығуға тікелей және бақылаушы ретінде 29 ел қатысқан. АҚШ пен Тайландтан тыс, Сингапур, Жапония, Қытай, Үндістан, Малайзия және Оңтүстік Корея оқу-жаттығудың белсенді қатысушылары болмақ.

Бірлескен әскери жаттығу Тайландтың солтүстігіндегі Фитсанулок қаласында өткен. АҚШ-тың Тайландтағы елшісі Питер Хаммондтың айтуынша, бірлескен жаттығудың басты мақсаты тараптардың ұлттық қорғаныс ынтымақтастығын күшейту, армияның ынтымақтастығы және әрекеттік үйлесімділігін дамыту.

Кезекті жаттығу үш мазмұнды қамтиды. Айталық, ұрыс жаттығулары, одақтастарға көмек беру жаттығулары және апатты жағдайларда зардапты жою мен гуманитарлық көмек жеткізу жаттығулары.

Айта кетейік, 1982 жылы басталған «Golden Cobra» бірлескен әскери жаттығу жыл сайын өткізіліп келеді. Кезекті жаттығу 10 күнге жалғасып, 22 ақпан күні аяқталады.

“The Qazaq Times”