Фото: akt.gov.kz

Ақтөбеде жолақысы қымбаттады.

26 қазаннан бастап Ақтөбе қаласының қоғамдық көліктерінде жолақысы 55 теңгеден 80 теңгеге қымбаттады.

Жаңа заң бойынша, бұдан былай қоғамдық көліктерде мектеп жасындағы балалар 40 теңгемен, зейнеткерлер, екінші және үшінші топ мүгедектері 60 теңгемен, тыл ардагерлері, 18 жасқа толмаған мүгедектер, бірінші топ мүгедектері, 1-2 топтағы зағип азаматтар және 7 жасқа толмаған балалар тегін жүреді.

Бұған дейін Ақтөбе қаласындағы жолаушылар тасымалы қызметінің 80 пайызын атқаратын «Автопарк» жауапкершілігі шектеулі серіктестігі жолақысын 200 теңгеге дейін қымбаттатуды бірнеше рет ұсынған.

"The Qazaq Times"