Фото: Atameken Business Channel

Жоғары Кеңес депутаты Кенжебек Бокоев қырғыз үкіметінің назарын елдегі су қоймаларына аудартып, көрші республикаларға суды сатуды ұсынды.

«Талас облысындағы Киров су қоймасында 2 мың гектар жер су астында қалды. Су қойманың 90 пайыз суын Қазақстан мен Өзбекстан тегін пайдаланып келеді. Үкімет олардан ақша алу мәселесін қарастыру керек», - деді Бокоев.

Талас облысындағы Киров су қоймасы 1975 жылы Манас және Кара-Буура аудандарының ортасында салынған. Оған 550 млн текшеметр су сыйады. Қырғызстан оның тек 12 пайызын ғана пайдаланады. Қалған бөлігін келісім бойынша Қазақстан пайдаланады.

Қазақстан суды пайдаланғаны үшін жыл сайын су қоймасына 70 млн теңге (194 мың доллар) бөліп, жөндеу жұмыстарын жүргізеді. Бірақ қырғыз тарапы бұл қаржы жеткіліксіз деп отыр.

"The Qazaq Times"