26 тамыз үш тәжік азаматы мінген «Нива» көлігіне тосыннан шабуыл жасалып, екі адам оққа ұшты. Оқиға Тәжікстанның Ауғанстанмен шекаралас аймағында орын алған.

Осы жылдың көктемінде Тәжікстандағы шекара әскерінің қолбасшысы Раджабали Рахмонали бұл аймақта жеті мың содырдың бар екенін айтқан. Сондай-ақ, аталған аймақ «Талибан» қозғалысының бақылауындағы жер.

Мәліметтер бойынша, шабуыл Ауғанстан жақтан болған. Шабуылды кімнің жасағаны анықталған жоқ.  Қазірі уақытта күш құрылымдарының өкілдері оқиға барысын тексеру жұмыстарын жүргізіп жатыр.

Тәжікстанның Мемлекеттік шекара қызметі оқиға жайлы нақты түсінік берген жоқ.

"The Qazaq Times"