Қазақ-өзбек шекарасында жүздеген жүк көлігі өте алмай тұр – деп хабарлайды Sputnik Қазақстан ақпарат агенттігі.

Түркістан облысы мемлекеттік кірістер департаментінің мәліметінше, жүк көліктерінің Қазақстанның «Б. Қонысбаев» өткізу бекетінде тұрып қалуына Өзбекстан кеден қызметінің шетелдік жүк транзиттерін тек екі ғана бекеттен өткізіп жатқаны себеп болған.

Атап айтқанда қазіргі таңда Өзбекстан кеденшілері шетелдік жүк транзиттерін «Яллама» және «Қарақалпақстан» бекеттері арқылы өткізуде. Оның үстіне соңғы күндері Өзбекстан тарапы халықаралық жүк транзитіне бақылауды күшейткен. Салдарынан қазақ-өзбек шекарасында жүзден астам жүк көлігі өте алмай кезек күтіп қалған.

“The Qazaq Times”