Иран да халықтық ереуілдер күшейе түсті. Фото: Sputnik International.

АҚШ-тың мемлекеттік хатшысы Майк Помпео Иран туралы қайталай мәлімдеме жасады. Ол бұл рет Иранды қалыпты елдер секілді қадамдар жасауы керек екенін ескертті. Сонымен бірге Құрама Штаттың Теһран (Тегеран) билігіне қарсы экономикалық санкцияға дайындалып болғанын хабарлады. Бұл туралы VOA басылымы хабарлады.

Помпео жексенбі күні түстен кейін БАҚ өкілдеріне таратқан мәліметінде: «Мен Иран халқының ұлттық көшбасшылыққа кімдердің иелік етуі мәселесінде ашық дауыстарын ортаға салады деп үміттенемін», – деді.

Помпеоның мәлімдеуінше, сейсенбі күні 12:01-ден бастап, Иранның өнеркәсібіне қаратылған санкция күшіне енеді. Тіпті мұның ішіне Иранның әлемге танымал кілем өндірісі де қамтылғаны мәлім болды. Еуропа мен Американың ұшақтарын және бөлшектерін сатып ала алмайды.

Ал Иранның энергетика экспортына бағытталатын санкция қараша айына қарай күшіне енбек.

Помпеоның мәлімдемесінде: «Біз алдағы уақытта басқа жолдарды таңдауымызға болады, бірақ, тек Иранның режимі өз саясатын өзгерткенде ғана», – делінген.

АҚШ санкциясының басталуы екі ел арасындағы шекіспей бекіспейтін теке-тірестің шындап басталғанын түсіндіреді. Екі ел арасындағы қайшылық «Екінші Шығанақ соғысын» тудыруы мүмкін деген болжамдар бар.

“The Qazaq Times”