Фото: avim.org.tr

Сүрия Араб Республикасы босқындарды отандарына қайтару үдерісін сәтті жүргізуде. Әр-Растан мен Тел-Биса қалаларына қазірі уақытта бірнеше мың босқын қайтып оралған. Бұл туралы жергілікті билік хабарлауда, деп жазады avim.org.tr.

Тел-Биса қаласының тұрғындары қала қақтығыстан азат етілген уақыттан бастап екі есеге артқан. Қала басшылығы комитетінің өкілі Халед Вадидің сөзінше, үш ай бұрын қала террористердің бақылауында болған кезде ол жерде бес-ақ мың отбасы өмір сүрсе, қазір олардың саны 12 мыңға жеткен. Әр-Растан қаласына да қазіргі уақытта 1,5 мың босқын оралған. Негізінен босқындар Шам (Дамаск) мен өзге де қалаларға қоныс аударған. Себебі, бұл қалалар биліктің бақылауында болған екен. Аталған комитет өкілінің айтуынша, осы қалалар соғыс кезінде қатты қиратылып,  үйлердің кем дегенде 70%-ы жөндеу жұмыстарын талап етеді. Айта кету керек, соңғы уақытта Сүрияға билігі елдегі азаматтық соғыстың кесірінен баспаналарын тастап кетуге мәжбүр болған сүриялықтарды отандарына қайтаруды қолға алған еді. Халықаралық одақ тарапынан қауіпсіз деп саналған аймақтарға ағылған сүриялықтардың саны бүгінде соғыс басталғаннан бергі уақытпен салыстырғанда рекордты көрсеткішке жеткен.

“The Qazaq Times”