Бағдаттағы ереуіл. Фото: IRNA.

Ирактағы екі аптаға созылған ереуілден 14 адам қаза тауып, 700-ден астам адам жарақат алды. Бұл туралы ИРНА ақпараттық агенттігі жергілікті ақпарат көздеріне сілтеме жасай отырып хабарлады.

Жұмыссыздық пен әлеуметтік дағдарыстарға ашынған жұрттың ереуілі ең әуелі елдің оңтүстік аймақтарында басталған болатын. Кейін жаппай наразылық акциясы ел орталығы Бағдат қаласында жалғасты.

Ирактың оңтүстік аймақтарындағы ереуіл кезінде қаза болғандардың кейбіреуі қауіпсіздік күштерінің оғынан өлгені туралы да ақпараттар тарап жатыр. Бұл ереуілшілердің қарсылығын тіпті де күшейтіп жіберген.

Жұмыссыздық пен түрлі әлеуметтік қайшылықтар, электр жарығынсыз аймақтардың тұрғындары бастаған наразылық шарасы әлі де жалғасын табуда. Олар Ирак парламентінің дәрменсіздігін сынға алған.

“The Qazaq Times”