Фото: BNews.kz

Президент Нұрсұлтан Назарбаев Денис Теннің өліміне қатысты бас прокурор мен ішкі істер министріне тапсырма берді.

Ақорда баспасөз қызметінің мәліметінше, мемлекет басшысы бас прокурор Қайрат Қожамжаров пен ІІМ Қалмұхамбет Қасымовқа Денис Теннің өліміне қатысты істі ерекше бақылауға алуды және тергеу жұмыстарын обьективті жүргізуді тапсырған.

Естеріңізге салайық, 19 шілде күні Алматы қаласының Құрманғазы және Байсейітов көшелерінің қиылысында Денис Тенді белгісіз азаматтар пышақтап кеткен болатын. Салдарынан олимпиада жүлдегері №12 қалалық ауруханада көз жұмған.

"The Qazaq Times"