Оңтүстік Корея визасы. Фото: Artineraries.

Оңтүстік Кореяның ресми Yonhap ақпараттық агенттігі таратқан хабарға қарағанда, Пиоңчаң қысқы Олимпиадасына орай 90 күндік визасыз режим елдегі заңсыз мигранттар санын көбейтіп жіберген. Үкіметтің ресми мәлімдемесіне қарғанда қысқы Олимпиададан кейін 10 мыңнан астам шетелдік елдеріне қайтпай қалған.

Үкімет мәлімдемесінде, қысқы Олимпиада кезінде визасыз режиммен кірген шетелдік туристерге берілген уақыт сәуір айында аяқтаған. Оған дейін елден шығып кетпеген және визасыз режиммен келген шетел азаматтары заңсыз мигрант болып есептелген. Мәліметке қарағанда, мұндай шетелдік азаматтардан 11 мың 535 адам бар.

Қазір ел үкіметі бұл адамдарды заңсыз мигрант ретінде қалай біржақты етуді қарастыруда.

“The Qazaq Times”