Қазақстан СІМ Қайрат Әбдірахманов пен АҚШ Мемлекеттік хатшысы Майк Помпео. Фото: Liter.kz

Сыртқы істер министрі Қайрат Әбдірахманов АҚШ Мемлекеттік хатшысы Майк Помпеоны Қазақстанға шақырды.

Сыртқы істер министрлігі баспасөз қызметінің хабарлауынша, Қайрат Әбдірахманов маусым айының 28-і күні АҚШ Мемлекеттік хатшысы Майк Помпеомен телефон арқылы сөйлескен. Тілдесу барысында Әбдірахманов пен Помпео екі жақтық қарым-қатынасты дамыту, сауда-экономикалық байланыс, ауылшаруашылығы және энергетика салаларын нығайту жөнінде әңгіме қозғаған.

Бұдан бөлек әңгіме барйсында қос тарап Ауғанстан мәселесін талқылап, аталмыш мәселеде Қазақстан мен Орталық Азия елдерінің АҚШ және өзге де серіктестерімен ынтымақтаса жұмыс істеуі маңызды екендігін айтқан. Сөз соңында Қайрат Әбдірахманов Майк Помпеоны Қазақстанға ресми іссапармен келуге шақырған.

“The Qazaq Times”