Марк Цукерберг "Facebook" компаниясының директоры.

Инвесторлар Марк Цукербергтен «Facebook» компаниясын тартып алмақ – деп хабарлайды «Business Insider» ақпарат көзі.

Басылым мәліметінше, «Facebook» компаниясына 3 миллиард доллардан астам қаржы құйған инвесторлар Марк Цукербергты директорлық қызметтен алып тастауды талап еткен. Олардың бұндай қадамға баруына соңғы уақыттары «Facebook» маңында болып жатқан даулы оқиғалар себеп болған. Атап айтқанда миллиондаған «Facebook» қолданушыларының жеке деректерінің рұқсатсыз жариялануы инвесторларға ұнамаған.

Естеріңізге салайық, бұған дейін америкалық және ұлыбританиялық БАҚ беттерінде Cambridge Analytica компаниясының 50 миллионнан астам «Facebook» қолданушыларының жеке деректерін рұқсатсыз сараптамадан өткізгендігі жөнінде ақпарат тараған. Бұл ақыр соңында «Facebook» компаниясының бір сәтте 60 миллиард доллар қаржысынан айырылуына алып келген.

“The Qazaq Times”