Ресейдің оқу-жаттығуы. Фото: Sputnik International.

Ресейдің қорғаныс министрі Сергей Шойгу НАТО-ның Ресейге жақын шекарада әскерлер санын 7 есеге көбейткенін сынға алды. Бұл туралы "Анадолы" ақпараттық агенттігі хабарлады.

Сергей Шойгу сөзінде: "Польша мен Балтық жағалауы елдерінде "Ресей қаупі" деген сылтаумен НАТО күштері 2 мыңнан 15 мыңға дейін көбейді", – деді.

Осыдан бұрын Польшада АҚШ әскери базасы құрылатыны мәлім болған. Бұл қадам Польша тарабының АҚШ лауазымдыларына жасаған өтініші негізінде жүзеге аспақ. Тіпті, АҚШ-тың екі бірдей әскери базасын құру және оған АҚШ әскерлерін орналастыру үшін Польша үкіметі де қаржылай көмек бермек.

Жаз және күз айларында Ресей жақын Шығыс Еуропа жерлерінде НАТО-ның соңғы жылдардағы ең ауқымды әскери жаттығулары өткізілмек. Өз кезегінде Ресей тарабы: "Бұл қадамдар Ресейді қарсы шаралар қолдануға мәжбүрлейді", – деген мәлімдеме жасаған.

“The Qazaq Times”