Еуропарламент. Фото: Федеральное агентство новостей.

Еуропаның статистикалық мекемесі (Eurostat) жария еткен мәліметтерге қарағанда, қарт құрлықтағы азаматтар арасында Еуропа Парламентіне деген сенім 2000 жылдан бері 8 пайызға төмендеген. Айталық, сол кездегі зерттеу нәтижесі бойынша 53 пайыздан 45 пайызға құлдыраған.

Сарапшылардың айтуынша бұған Еуропа Одағына мүше елдер арасындағы соңғы жағдайлар, әлемдік саяси өзгерістер мен экономикалық дағдарыстар себеп болып отыр.

Ал, Грузия азаматтарының 30 пайызы ғана Еуропарламентке сенім артады. Италияда Еуропарламентке деген сенім 2000 жылы 71 пайызды құраса, өткен жылдың соңындағы нәтиже бойынша 42 пайызды көрсетеді.

Еуропа бірлігіне деген сенім көшбасшы елдер арасында Германияда ғана 54 пайызбен жоғары тұр. Ал, француздар арасында 31 пайыз, Испанияда 41 пайызды құрайды.

“The Qazaq Times”