Йемендегі соғыста жүрген балалар. Фото: ASHARQ AL-AWSAT English Archive.

Йеменде қолына қару алып, соғыс өртінде жүрген балалар саны артуда. Елдегі соғыс жағдайы туралы хабар таратқан ақпарат көздері, балалар жағдайының тым ауыр екенін көптеп айтуда. Соңғы деректерге қарағанда Йемендегі Хусит күштерінің қатарында 20 мыңнан астам бала соғысқа қатысуда. Бұл туралы Йеменнің ресми ақпарат агенттіктері хабарлады.

Йеменде азаматтық соғыс басталған 3 жылдан бері 2 миллионнан астам азамат жасына толмаған жасөспірім жұмысшылар қатарына тартылған. Бұл туралы мәліметті елдің Әлеуметтік істер және еңбек министрлігінің ресми мәлімдемесінде белгілі болды.

Бұған қоса, Йемен билігі Хусит күштерінің 2372 мектепті қиратты деп айыптайды. Елде және 1500-ден астам оқу орындары түрме немесе әскери тұрақ ретінде пайдаланылып отыр. Соның нәтижесінде 4,5 миллионға жуық бала білім алу құқығынан айырылған.

“The Qazaq Times”