Фото: Sputnik Кыргызстан

Шавкат Мирзиеев «Өзбекстан ТАПИ газ құбырының құрылысына қатысады» – деп мәлімдеді.

Сәуір айының 23-і күні Түркіменстан президенті Құрбанғұлы Бердімұхамедовтың Ташкентке жасаған ресми іс-сапары барысында Өзбекстан басшысы Шавкат Мирзиеев ТАПИ газ құбырының құрылысы жөнінде мәлімдеме жасады. Онда ол: «Өзбекстан ТАПИ газ құбырының құрылысына қатысады. Біз бұл жобадан көзқарастарымыз түйісетін жерді табамыз. ТАПИ Ауғанстандағы жағдайды тұрақтандыратын кең көлемдегі жоба» - деген.

Естеріңізге салайық, Құрбанғұлы Бердімұхамедовтың Ташкентке жасаған сапарына дейін Өзбекстан билігі Түркіменстан-Ауғанстан-Пәкістан-Үндістан бағытындағы ТАПИ жобасына қатысудан бас тартып келген. ТАПИ газ құбыры жобасының құрылысы Түркіменстан аумағында 2015 жылдың 13 желтоқсан күні басталған. Жоспар бойынша, газ құбыры 2019 жылы пайдалануға берілуі тиіс.

“The Qazaq Times”