БҰҰ бас хатшысы Антониу Гутерриш.

Біріккен Ұлттар Ұйымының бас хатшысы Антониу Гутерриш «қырғиқабақ соғыс қайтып оралды» - деп мәлімдеді.

Сәуір айының 22-і күні швециялық  SVT телеарнасына сұхбат берген Антониу Гутерриш Сүрия дағдарысына байланысты мәлімдеме жасады. Онда ол: «Қазір Сүрия дағдарысын шешуге мүдделі АҚШ пен Ресей аймақты толықтай өз бақылауында ұстап тұрған жоқ. Олар аймақтағы Түркия, Сауд Арабиясы және Иран сияқты ойыншыларды басқара алмай отыр. Бұл аймаққа «қырғиқабақ соғыс» қайтып оралды. БҰҰ-ның Қауіпсіздік Кеңесі толықтай реформадан өтпейінше аталмыш мәселені шешудегі Біріккен Ұлттар Ұйымының рөлі жөнінде қандай да бір дүние айту қиын. Қазір мүдделі тараптар Қауіпсіздік Кеңесінде вето құқығын пайдалану арқылы мәселені шешуді кейінге лақтырып тастауда» - деген.

“The Qazaq Times”