Фото: uk.wikipedia.org

АҚШ-та әскери тікұшақ апатқа ұшырады – деп хабарлайды АР News ақпарат көзі.

Жергілікті БАҚ өкілдерінің мәліметінше, АҚШ әскери теңіз күштеріне тиесілі Super Stallion тікұшағы Сан-Диего қаласындағы Miramar станциясынан ұшып шығып, Мексикамен шекаралас Эл-Центро елді мекенінің маңында апатқа ұшыраған. Апаттан көз жұмған төрт адамның аты-жөнін заң бойынша туған-туыстарына естірткеннен кейін 24 сағаттан соң жариялайды. Әзірге тікұшақтың не себептен құлағаны белгісіз. Қазіргі таңда оқиға орнында арнайы топ жұмыс істеуде.

СН-53Е Super Stallion АҚШ арсеналындағы ең үлкен тікұшақ. Ол ауыр жүк пен мина тасымалдауға арналған. СН-53Е Super Stallion Пентагонның Ауғанстан мен Ирактағы әскери операцияларына пайдаланылған.

“The Qazaq Times”