Трамп пен Мэй Ресей барлаушыларының шпиондық жүйесін жоймақ

АҚШ президенті Дональд Трамп пен Ұлыбритания премьер-министрі Тереза Мэй Ресей Федерациясының шпиондық жүйесін жоюды талқылады – деп хабарлайды Ақ үй баспасөз қызметі.

Ақ үй мәліметінше, наурыз айының 28-і күні Дональд Трамп пен Тереза Мэй телефон арқылы тілдескен. Сөйлесу барысында қос тарап Солсбери қаласындағы жағдай қайталанбас үшін АҚШ пен Ұлыбритания аумағындағы Ресей барлаушыларының шпиондық жүйесін жою керектігін айтқан және екі жақтық қарым-қатынас, қауіпсіздік мәселелерін талқылаған.

Естеріңізге салайық, 4 наурыз күні Ұлыбританияның Солсбери қаласында Ресей барлау қызметінің бұрынғы агенті Сергей Скрипаль мен оның қызы ес-түссіз күйінде табылған. Аталмыш оқиғадан кейін премьер-министр Тереза Мэй экс-агентті Ресейде жасалған жүйке жүйесін зақымдайдын химиялық затпен улағанын мәлімдеген.

“The Qazaq Times”