Фото: Литер

Канзас университетіндегі америкалық ғалымдардың сөзінше, қазіргі кезде кең таралған әлеуметтік желілер адамдар арасындағы қалыпты қатынасқа әсер етпейді және бұл достардан немесе отбасынан алыстап кетеді деген жаңсақ пікір. Ғалымдардың мұндай зерттеуі Information, Communication & Society ғылыми журналында жарияланды, деп хабарлайды lenta.ru.

Ғалымдар әлеуметтік желіге қатысты екі эксперимент жүргізген. Біріншіден, олар 2009 және 2011 жылдағы жастардың мінез-құлқына талдау жасаған. Алайда әлеуметтік желілердің дамуы жастардың күнделікті басқа ортамен байланыс жасайтын уақытына еш әсер етпеген.

Ал екінші эксперимент 2015 жылы жасалып,116 адам таңдап алынған. Олардың жартысы студенттер, жартысы университет бітіргендер. Олардан үнемі әлеуметтік желідегі және күнделікті өмірдегі қарым-қатынас туралы сұрастырылған. Анықталғандай, әлеуметтік желідегі жазбалар ешбірінің отбасымен, достарымен араласуына ықпал етпеген.

“The Qazaq Times”