Иранның 2009-2013 жылдар аралығындағы вице-президенті Хамид Резе Бакаи.

Иранның экс-вице-президенті 63 жылға сотталды – деп хабарлайды ISNA ақпарат агенттігі.

"The Washington Post" басылымының мәліметінше, Иран соты елдің бұрынғы вице-президенті Хамид Резе Бакаиды 63 жылға бас бостандығынан айырды. Оған қызметін асыра пайдаланды және мемлекет мүлігін талан-тараж етті деген айып тағылған. Иран құқық қорғау органдары ең алғаш оны 2015 жылы тұтқындаған. Бірақ кейіннен тергеу кезінде бостандыққа шығарған. Бакаи 2017 жылдың мамыр айында президент сайлауына қатысуға өз кандидатурасын ұсынған. Алайда оның ұсынысын орталық сайлау комиссиясы қабылдамай тастаған. Осыдан кейін шілде айында Хамид Резе Бакаи екінші рет тұтқынға алынған.

Хамид Резе Бакаи 2009-2013 жылдар аралығында вице-президент болған. Ол 2011 жылдан бастап вице-президенттікпен қатар президент әкімшілігін басқарған.

“The Qazaq Times”