АҚШ-та Қазақстан азаматы Ахрор Сейдахметов 15 жылға сотталды – деп хабарлайды «Голос Америки» ақпарат агенттігі.

Желтоқсан айының 20-сы күні АҚШ Федералды соты Қазақстан тумасы, Бруклин қаласының тұрғыны Ахрор Сейдахметовты «терроризм» бабы бойынша, 15 жылға бас бостандығынан айырған. АҚШ Әділет министрлігінің мәліметінше, Ахрор Сейдахметов «Ислам мемлекеті» лаңкестік ұйымына материалды көмек көрсету мақсатында террорлық ұйымымен байланыс орнатқан. Ол 2014 жылдан бері «Ислам мемлекеті» лаңкестік ұйымымен байланыс жасап келген. Сейдахметовтың басты мақсаты және арманы «Ислам мемлекеті» ұйымы содырларының қатарында болып, соғысу болған.

Естеріңізге салайық, Ахрор Сейдахметов 2015 жылы Стамбұл қаласына барар жолда ұсталған. Кейіннен оның Түркия арқылы Сүрияға өтпек болғандығы анықталған. Сейдахметов АҚШ-та жазасын өтеп болғанан кейін, Қазақстанға депортацияланады.

“The Qazaq Times”